Amb l’objectiu de s’ocupar de la tomba de la que foguèt longtemps ma companha l’actritz Solen’, a Cardalhac, prèp de Fijac dins lo Lòt, mentre que rotlavi en bicicleta, passant davant l’ostal d’André Andrieu a Vilanòva d’Aveyron, m’arrestèri per lo saludar.
Andriu èra lo cap-redactor del “Diccionari practic francés-esperanto esperanto-francés” editat per SAT-Amikaro en 2014. Escriguèt “Kiel traduki sesdek franclingvajn vortojn” (Cossí revirar 60 mots franceses) publicat en 2009.
Sortiguèt tanben un DVD sus la vida dels païsans de Roergue dins las annadas 50 e 60 : “Paisans de Roergue” editat per Piget films en 2016, a l’origina en occitan amb sostítols en francés, anglés e esperanto. Aqueste DVD es una colleccion de filmes numerizats a partir de vistas qu’André prenguèt a l’epòca amb una camèra super-8.
En març de 2023, balhèt una conferéncia a Vilafranca-de-Roergue sus “l’Esperanto e la guèrra de las lengas” dins l’encastre de la “Société des Amis de Villefranche et du Bas-Rouergue” que publiquèt lo tèxte dins lor revista “Pages d’Histoire du Bas-Rouergue”, 2023 (ISSN 0295-8996).
Andriu me recebèt aimablement e aguèrem una convèrsa agradiva en esperanto. Enter autes, parlèrem de Sergi Carles, tanben nascut près de Vilafranca e qu’escriguèt “Istòria d’un sauvatjòt / Je suis cet enfant” (ISBN 978-2-37863-050-8) un compte rendut autobiografic bilingüe de sas annadas d’enfança dins un environament ont cadun parlava occitan a l’excepcion de la maire. Legiguèrem totes dos aquel libre e lo comentarem amassa. Andriu rescontrèt quitament Sèrgi pendent una presentacion de son libre. Sèrgi, coma Andriu, e maugrat que foguèt nascut vint ans mai tard, cresquèt amb l’occitan coma lenga de cada jorn.
Nos sèm remembrat tanben la visita de grop vaquí dos ans passats, amb de companhas de Villafranca que nos convidèron alara e qualques personas de Tolosa – dequal los volontaris d’an aquel epòca Antoine e Moana qu’entrevistèron André en francés. Legissètz l’article Excursion à Villefranche-de-Rouergue qu’inclutz l’entrevista e que se pòt ausir tanben dins Esperanto-Magazino: 297 (13’00-22’30) 298 (35’47-45’20) 300 (41’10-45’35). Pendent l’entrevista Andriu parla del congrès SAT a Nancy en 1954 a l’organizacion que participèt e que la fòto de grop ne publiquèt dins la revista ruerga.
Paulette, l’esposa d’Andriu, moriguèt en novembre passat. Dempuèi, Andriu a quitat de se preocupar del contraròtle lingüistic de los articles en esperanto dins Le Monde Diplomatique. Ça que là, Andriu es pas completament sol, son filh e sa nòra demòran dins l’ostal a son costat. Ai plan aimat aquel moment fòrt agradiu passat conjocament amb Andriu.
