Fine de Julio, Floréal anoncis al ni malĝojan novaĵon… ricevinte alvokon de lia edzino, kiu anoncis, ke Jacques CAUBEL forpasis.
Li havis malsanon, kiu al li la memoron perdigis kaj li ne plu eltenis tiun mensan difektiĝon, pro kio li sin memmortigis por ne plusuferi el tiu situacio…
Okazis funebra ceremonio mardon, 25-an de julio 2023. Esperantistaj amikoj partoprenis.
Jacques estis denaska esperantisto, lia patro André estis fama esperantisto kaj ankaŭ lia fratino Renata estis tre aktiva en la movado.
Ĵak estis dum longa tempo kasisto de la grupo de SAT kaj SAT AMIKARO de Tuluzo kaj delonge membro de EKC.
Li partoprenis en diversaj kulturaj projektoj : teatraĵoj, skeĉoj, korusoj por projektoj de EUROKKA – vinilkosmo, projekto Interkant (Canto general).
Li amegis lingvojn kaj partoprenis en la forumoj de Printempo de la lingvoj en rilato kun hungara kaj greka asocioj ĉe la UNESCO-kluboj.
Li instruis esperantajn kursojn en universitato de la tria aĝo en Saint Orens. Li ŝatis adapti ludojn en Esperanton.
Li regule gastigis esperantistojn kaj ofte li ĉiĉeronis tra Tuluzo.
Malpli aktiva la lastajn jarojn, li partoprenis en manĝoklaĉo en 2021 kaj ĉijare vizitis nian standon en la lingvoforumo.
Kelkaj aliaj fotoj:
