Ĉiujare, en marto, la plej granda esperanta festivalo de Okcitanujo okazas en Tuluzo – la Semajno de Esperanto aŭ SEMEO!
Dum dek tagoj, Tuluzo iĝas loko por internaciaj renkontiĝoj, esperantaj koncertoj, diverstipaj atelieroj, debatoj, lingvokafejoj, kie oni povas malkovri Esperanton, ĝia kulturo kaj la Esperanto-movado, en ilia plena riĉeco kaj diverseco.
Klaku tie se vi scivolemas pri la programo de 2020!
En 2019, koncerto Brel en Espéranto, ateliero pri Wikipedio, prezento de TEJO estis la pintaj momentoj de la semajno. En la programo ankaŭ aperis prezento de la projekto Global Voices kaj lingvofestivaleto en la universitato Jean Jaurès.
En 2018, ni gastigis renkontiĝon Erasmus+ pri lingvo-instruado. Ankaŭ en la programo: granda Tago pri Ekzilio en granda Tuluza alternativa kulturejo kun multaj partneroj , 3 prelegoj kaj koncerto de la kataluna grupo Kaj Tiel Plu. Aŭskultu la elsendon 128 kaj spektu la videon de Varsovia vento, kies membrojn ni invitis por speciala radio-elsendo kaj vespero.
En 2017, la programo enhavis interalie koncerton de IDC kaj konferencon de Chuck Smith okaze de la lanĉo de la apo Amikumu
En 2016, post 4-jara paŭzo, la semajno revenis kaj de tiam okazadas fine de la tuluza vintro. Prelego de la pakistanano Saeed Ahmad kaj koncerto de la grupo Vojaĝo estis pintaj momentoj de la 2016-evento.
En 2012, la unua Esperanto-semajno okazis en Septembro, koncert-prelego de Guillaume Armide kaj prelego de Hori Jasuo pri “Japanio post Fukuŝimo” estis en la programo.