Saluton!
Mi nomiĝas Pol, unu el la novaj volontuloj de la Esperanto-Kultur-Centro de Tuluzo. Mi 21-jaraĝas, kaj mi venas de malgranda vilaĝo en la monta regiono ĉe Barcelono. Mi restos en Tuluzo ĝis printempe, ĉar mi daŭrigos mian civitservon en Bjalistoko, Pollando.
Antaŭ du jaroj, mi lernis Esperanton en enkonduka kurso ĉe mia universitato, instruata de la Kataluna Esperanto-Junularo. Danke al tio, mi iris al IJK22 en Nederlando, kie mi komencis mian aktivismon en esperantujo. Ekde tiam, mi estis estrarano de KEJ, kaj aktiviĝis en tiu asocio kaj en agadoj de KarEJO dum mia loĝado en Brazilo.
Mi ĵus bakalaŭriĝis en “Globalaj Studoj”, kaj post la volontulado mi ŝatus daŭrigi studadon. Tiel, mi esperas ke ĉi tiu jaro helpos min decidi, kiel daŭrigi mian studentan vivon. Samtempe, mi profitas la okazon por plibonigi mian nivelon de Esperanto kaj pli profunde engaĝiĝi en miaj asociaj laboroj (ĉefe ĉe EKC, kompreneble).
Tamen, la ŝanco translokiĝi al Tuluzo permesas al mi lerni la francan kaj la okcitanan, du lingvoj kiujn mi tre volas koni, kaj ankaŭ iom lerni la polan.
En mia libertempo mi tre ŝatas spekti seriojn kaj filmojn, legi, lerni lingvojn, kaj precipe havi kvalitan tempon kun miaj geamikoj, familio, kaj mia hundino.
Mi esperas resti en kontakto rete kaj persone dum estontaj eventoj.
Ĝis!
