Juna studento el Kamerunio, mi estas 19-jara (baldaŭ dudekjara haha). Kadre de la validigo de mia akademia grada kurso, mi estis petita fari staĝon aŭ civitanan servon. Serĉante laborproponojn en la retejo de la civita servo, mi provis filtri la malsamajn reklamojn elektante la kultursekcion kaj mi vidis la oferton de EKC.
Kiel lingva entuziasmulo, nu mi klakis apliki !! Sed mi forgesis gravan detalon: la misio okazas en Tuluzo, sed mi estas studento en Angers, kaj novulino en Francio. En tiu momento, mi pensis ke ne eblus ke oni elektu min, ĉar mi ne estas en Tuluzo. Sed kaze ke mi estus elektita, mi jam pripensis ke estus komplika translokiĝi al urbo kie mi konas neniun. Tamen, mi ĉiam estis tre kuraĝa kaj tre optimisma: mi estis akceptita!!!
Ekde Kamerunio, mi estas tre komforta kun lingvoj (PS: mi ĉiam volis esti poligloto ☻). Mi partoprenis multajn germanajn kursojn kaj konkursojn kun la Goethe Institut. Sekve de tiu sperto en Kamerunio kaj post partopreno en multaj vojaĝoj, mi tre rapide konstatis ke la spirito kaj valoroj de esperanto estas similaj al tiuj de la Goethe Institut. Do jes, mi parolas la germanan. Ĉi tio ankaŭ estas la kialo, kial mi elektis iri al Germanio, por la dua parto de mia misio.
Mi parolas ankaŭ la anglan, la francan (certe!), la latinan kaj fine, unu el la lingvoj de la 250 etnoj de Kamerunio: dùala, kiu estas mia gepatra lingvo.
Mi ŝatas danci, kanti, aŭskulti muzikon, fari modspektaklojn (mi ankaŭ origine volis esti modelulo), legi romanojn (fakte mi havas tiom da ofertoj por fari). Mi ankaŭ pasiiĝas pri sociaj retoj, redaktado de videoj, fotoj ktp.
Mi ŝatus rakonti al vi pli, sed mi ankoraŭ havas dek monatojn por rakonti ĉion al vi. Do, dankon pro legado, kaj ĝis baldaŭ, por novaj aventuroj kun mi!!
Ĝis!
