KEKSO 2023 en Hamburgo

De la 10-an ĝis la 12-an de novembro 2023 en Germanio okazis la 32-a KEKSO kaj danke al Erasmus+, pluraj membroj de la Esperanto Kultura Centro de Tuluzo  povis partopreni al la evento. Jen prezentado de nia lingv-restado!

KEKSO kio estas ?
Kreema Esperanto Kurso, estas evento kreita de junaj  esperantistoj kiuj deziras lerni kaj babili Esperanton kune. Tiu akronimo “KEKSO” (biskvito en la franca) reprezentas la ĉefan tradicion de tiu renkontiĝo: ĉiuj gepartoprenantoj alportas siajn plej ŝatatajn keksojn aŭ fruktojn por kundividi.

KEKSO 2023

La evento estis organizita de la Germana Esperanto-Junularo (GEJ) en la urbo Hamburgo, norde de la lando. Ĉi tiun jaron, 13 membroj de la asocio partoprenis : Héloïse, Jonathan, Ameli, Valentin, Lea, Loup, Michael-Boris, Marion, Lucas, Jeanne, Shai, Nicolas kaj Ariane. 

La programo estis riĉa je distro kaj lernado

Laŭ sia nivelo en Esperanto, partoprenantoj povis elekti inter la du aktivaĵoj:

– Lingvokursoj instruataj de Jeanne kaj Viktoria, celantaj pli al gekomencantoj

-por la pli spertaj, formado pri kreado de sekuraj spacoj ĉe internaciaj eventoj por junularo, gvidata per Michael-Boris.

Sabate posttagmeze, post bona laboro, ni renkontiĝis kun membroj de la Esperanta asocio de Hamburgo! Tio estis ŝanco pasigi agrablan momenton kun la lokaj esperantistoj kaj interŝanĝi kun ili.
Surloke, Valentin povis prelegi pri la Evento de la Eŭropa Junularo okazinta ĉi-jare en Strasburgo, sekvita de kvizo pri la Eŭropa Unio kaj ronda diskuto.

Post la vespermanĝo, ni havis du eblojn: resti trankvile en nia gastigejo kun libera programo aŭ vojaĝi tra la trinkejoj en la animata kvartalo de Hamburgo, gvidita de Rene, unu el la lokaj partoprenantoj!

Finfine, dimanĉe postagmeze, post la oficiala fino de la evento, ni vizitis la urbcentron de Hamburgo, pasante tra la emblemaj kaj historiaj lokoj, ankoraŭ gvidita de Rene.

Malgraŭ la abundaj peripetioj dum nia reveno ni reiris pli esperantistoj ol iam ajn! Tiu renkontiĝo ebligas por ĉiu praktiki la lingvon kaj precipe progresadi ĉe la kontakto de aliaj junuloj. Ni esperas ke tiu artikolo emigas vin partopreni la venontan eldonon!