Sabate 19 an de januaro, okazis, en la kvartalo-domo de Rangueil, Tuluzo, la unua renkontiĝo de membroj kiuj elektis lerni esperanton per la trejnado lernu. Tio estas nov-maniera lernado proponita de Kristofo Chazarein kaj de la asocio Esperanto-Kultur-Centro.
Partoprenis tiun renkontiĝon deko de gemembroj. Kelkaj aliaj, (almenaŭ kvin) ne povis partopreni pro malbona vetero aŭ nedisponebleco. Ekde la deka, post la kora akcepto dum oni gustumis tre bongustajn kukojn kaj trinkis kafon, teon komenciĝis la labortago. Unue, lud-ekzercoj permesis al ciuj prezenti sin, esperante aŭ france, kaj interŝanĝi pri la proprajaktivaĵoj deĉiuj.
Dum la kolektiva tagmanĝo,ĉiuj libere daŭrigis paroli pri siaj laboroj, siaj ŝataĵoj, hobioj ktp. Poste, Kristofo eklanĉis diskuton pri la vorto Lerni “Apprendre-. Ĝi, longe kaj pasione daŭris. Kristofo prezentis al ni la disvolviĝon de la kurso, por la baza kaj la meza niveloj, kaj ankaŭ la ilojn kiujn ni devos taŭge uzi. Marion rapide prezentis al ni la asociojn Esperanto-Kultur-Centro EKC kaj Esperanto-Midi-Pyrénées, kaj iliajn diversajn aktivaĵojn. Fine ni salutis la alvenon de Rikardo, kiu parolis pri la biblioteko kaj la ebleco prunti librojn, revuojn ktp. La renkontiĝo finiĝis je la kvina (ne! je la dek sepa!).
Mi pensas kiel la aliaj partoprenantoj, mi kredas ke la afabla, iomete humora, sed tamen serioza kaj grava renkontiĝo, eĉ se oni iomete uzis la esperantan pro la malsamaj partoprenantoniveloj, plaĉis kaj utilis alĉiuj. Ĝis la proksima, kiun ni senpacience atendas… post grava laboro.
