Cet article est seulement en espéranto.
Mardon 14-an de Februaro ni havis Verkatelieron en Rangueil. Ni amuziĝis multe kaj ni iĝis poetoj por kelkaj minutoj! Ĉi tie vi povas legi kelkajn poemetojn kaj vidi nian laboron!
KATOJ
CATY
Estis la amiko de la kuiristo
Ĉiam li permesis ĝin, trinki la kremon, kia dolĉa kaj blanka!
Sed la kato estis nur ŝtelisto
ĉar ĝi manĝas ne nur la kremon, sed la kukojn. Kia sendanka!
MARION:
Mian manon vi lekas
Kia bela muziko!
Mian koron vi vekas
Kia bona amiko!
YENTL-ROSE
Manojn kaj mortigintaj musojn vi lekas
Kaj vi estas tigro kiu naskiĝis demono
Sed pro via ĉarmo, amikajn sentojn vi vekas
Kaj en mia kor’, ĉiam via ronrono
Laŭ modeloj de poemetoj pri bestoj de Marjorie Boulton el Unu animo Homa:
MEVO
Kun flugilegoj senmovaj, flosas sur vento la mevo,
flosas kaj kurbe descendas, ŝvebas kun kol’ etendita ;
blankas la birdo sur vent’senkolora ; venkas nin revo ;
mond’de objektoj nun iĝas parto de l’mondo spirita.
LACERTO
Subita kaj oblikva
kuro;
lacerto! Bronza broĉo praantikva
ekvivas sur malnova muro.
VESPERTO
Ej, ej, vesperto,
kun flug’ fuŝbirda aŭ fuŝpapilia,
kiel kortuŝa ŝajnas la mallerto
spasma de muso tiel ambicia !
NOKTPAPILIO
Noktpapili’ eksidas,
mola, velura, paca,
kviete kiel palpebro
sur okulo laca.
AKROSTIKOJ
KATI
Kelkaj
Amikoj
Tre ŝatataj:
Idealo
MARION
Mi, simpla Tuluzano,
Amanto de lingvoj,
Revas kiel mondano;
Interesiĝas, aktivas,
Observas, rilatas,
Ne perfektas sed prifajfas
YENTL-ROSE
Je Dio mi ĵalusas
Ekkreis tion, kiu verŝajne
Ne eĉ ekzistas :
Tutan mondon ! Kun
Loĝantoj de ĉiuj
Revoj kaj koŝmaroj
Okuloj grande fermitaj
Sonĝas mi pri
Eventuala ekzisto mia
Laŭ la modelo de Paul Thorsen pri Marĝorie Bulton, ĉiu partopreninto devis prezenti sin per akrostiko.
Mire mi sentis unua-ekvide:
Ambaŭ nin konas tre bone.
Rave mi, longe de vi izolite,
Ĝuis vin frande — platone.
Ofte vi venis en versoj vizite,
Restis por senviakone
Inter Teneraj Sonetoj merite
Ekstravaganci ĉi-dome.
Baŭmas surtable sen ĝen’ surogato:
Ulo al kiu vi faras
Libro-altaron por mis-adorado.
Tute trompita mi staras
Orfa kun ĉi serenado,
Nuda eĉ pli ol la kato!
Legu pri akrostikoj en Vikipedio
