La Esperanto Festo okazis la 3-an de decembro en Tuluzo. Dekoj da partoprenantoj ĉeestis kaj inter ili, la lerta muzikisto Zhou-Mak!
Matene, la Ĝenerala Asembleo de la asocio efektiviĝis. Danke al jara retrospektivo, ni povis memori aŭ malkovri la pasintajn asociajn aktivaĵojn
Por la tagmanĝo, ni mendis multajn picojn kiuj kuŝis anarkie sur la tablo (la plej bona maniero manĝi picojn). Ni kunmanĝis ĝoje antaŭ ekigi la posttagmezajn diversaĵojn.
Prelegon pri la eŭropa verkisto Stefan Zweig prezentis Arno. Ĉar la Tago de Homaj Rajtoj proksimiĝis, Mikael Boris Mandirola proponis prelegon pri tiu temo.
Finfine, Zhou-Mak koncertis, kantante plurajn kantojn en diversaj lingvoj (lingala, kikonga, esperanto, franca, angla, …) !
Dum la tuta tago, ni povis librumi danke al la granda librostando. La librojn vi ankaŭ povas aĉeti en nia retpaĝo.
Ĉiuj fotoj estas fotitaj de Lea G.
