Saluton! Cześć!
Mi estas Ines, volontulino en la Esperanto Kultur-Centro de Tuluzo, en Francio. Kadre de franca programo, la civita servo, mi nun volontulas ĉe Bjalistoka Esperanto-Societo, en Pollando. Mi alvenis antaŭ 3 semajnoj, kaj restos ĝis la mezo de decembro. BES kutimas bonvenigi volontulojn, ĉar ĝi kutime invitis volontulojn kadre de Eŭropa volontulado, ĝis 2019.
Kio okazas ĉe BES? La societo organizas ĉiun jaŭdon konversacian klubon, por babiladi kaj ludi esperante. De oktobro denove okazos lingvo-kafejoj (alportita tie de Christophe, antaŭa volontulo el Tuluzo!), sed ankaŭ kursoj de Esperanto.
BES estas aktiva eldonisto de libroj en Esperanto. Kaj nun eblas aĉeti librojn ankaŭ sur la retpaĝo de la societo! Mi fakte kreis retan libroservon por la societo, kaj tre fieras pri ĝi. Estis multe da laboro : kalkuli ĉiujn librojn, listi ilin en kategorioj. Poste, batali kontraŭ WordPress por krei la vendejon, kaj aldoni mane ĉiujn varojn. Mi ankaŭ plibonigis la ĝeneralan aspekton de la retpaĝo, kaj aldonis eblon krei eventojn sur ĝi. Do mi nun tute regas WordPress 😀
Pierogi estas tradicia pola manĝaĵo, kaj mi absolute estas obsedita pri ili. Se vi vizitas Pollandon, nepre provu pierogi haha
Bjalistoko estas la urbo kie naskiĝis Zamenhof, la iniciatoro de la lingvo Esperanto. Tie troviĝas multaj monumentoj kiuj rilatas al Esperanto aŭ al Zamenhof. Tamen, mi parolis kun multaj ne-esperantistaj bjalistokanoj kaj ili kelkfoje eĉ ne scias kio estas Esperanto. Estas bedaùro ke la historio de la lingvo ne estas instruita en la lernejoj.
Nu, mi skribos denove ĉi-tie post unu monato!
