Saluton,
Mi estas Julie, volontulo ĉe EKC ekde septembro 2022. Mi estis en Tuluzo ĝis fino de Marto ! De merkredo, mi estas en la Esperanto-stacio en Halbe. Do jam unu semajnon ! Mi tute ne parolas (ankoraŭ) la germanan sed mi provas aŭskulti. Mi renkontis Ralf kiu administras la Esperanto-stacion.
Kio estas Esperanto-stacio? Vi eble demandus vin. Ĝi estas malnova stacidomo en la urbo Halbe, kiun Ralf kaj aliaj tute renovigis! Nun la stacio enhavas multajn ĉambrojn kaj du etaĝojn kiuj povas gastigi vizitantojn. Do se vi planas veni al Berlino, ne hezitu veni vidi nin! La Esperanto-stacio estas kultur-centro, do estas ankaŭ jogo-kursoj, danckursoj, foje lingvokursoj, ĉio dependas de la programo. Kiel vi komprenis, estas apud Berlino. Halbe estas urbeto, kiu tamen havas sian propran lagon. Por printempo kaj somero, tio estas bonege.
La lago estas nur kelkajn minutojn piedire for. (Mi planas naĝi tie baldaŭ).
Ĝi estas perfekta loko inter la kamparo kaj la ĉefurbo. Mi jam havis la ŝancon promeni ĉirkaŭ Berlino. Mi ankaŭ partoprenis ludan posttagmezon en kafejo kun aliaj esperantistoj.
Jen do mia resumo post unu semajno en Germanujo, ĉe Esperanto-stacio. Mi informos vin baldaŭ pri la sekvo de mia aventuro.
Ĝis!
Julie
