Vendredon la 14an de februaro, ni estis 10 kaj ni konstruis domojn, kastelon, monstron, statuon, piramidon kaj ankaŭ ŝipon… per legoludiloj. La organizintino de la vespero atestas:
Renkontiĝi por babili en Esperanto faras belajn vesperojn. Sed renkontiĝi por babili en Esperanto kaj ludi kun “lego” povas fari tre belajn vesperojn.
Ni uzis simplajn briketojn. Sed, dum la venonta renkonto, ni uzos briketojn pli kompleksajn.
Cathy, nova membro de la asocio.
Multaj el ni fakte forgesis kiom agrable tio estas. Ni uzis la plej simplajn bazajn brikojn, kaj per tio sukcesis konstrui tiom da diverstipaj aferoj.
Ĉirkaŭ la tablo, de 18 ĝis pli ol 60-jaruloj, ĉiuj ridantaj, kune kreantaj superbaĵojn. Simpla kreilo permesas esprimi sin plej facile kaj plej amuze, kaj danke al tio, ĉiuj sukcesis konstrui kion ili volis, kaj rapide, post unu horo, ni komencis povi admiri la verkojn de la aliaj.
Jen impreso de unu el la partoprenintoj:
Verdire, mi ne sciis kion atendi el tiu vespero, ĉar legoludiloj estas por mi ekskluzive rezervitaj por infanoj. Pro tio, mi agrable surpriziĝis dum tiu amuza vespero.
Alvoko al kvarentenigaj gepatroj, kiuj enuas: ludu legoludilojn kun viaj infanoj!