Ĉi-jare denove la esperanto-semajno de Tuluzo aliris plurajn tuluzajn lokojn! De la 10-a ĝis la 20-a de Marto, Esperanto estis plurmaniere elstarigita dum SEMEO!
Dum 10 tagoj multaj aranĝoj estas proponitaj ĉirkaŭ Esperanto. Koncerto, internacia renkontiĝo, Erasmus-projekto, lingvo-kafejo, atelieroj kaj informtabloj, ĉio bonas por ke homoj malkovru Esperanton!
En 2023, kiel en antaŭaj jaroj, la programo estis riĉa je eventoj. Ni gastigis la projekton ViPe en Tuluzo por sia dua renkontiĝo. La membroj povis profiti trejnadon pri Vikipedio sed ankaŭ renkonti, diskuti kaj ĝui nian belan urbon Tuluzo. Oni proponis ankaŭ radioprogramon precipe pri Vikipedio. Vendredon vespere, Xavi Alcalde presentis sian libron Esperanto i anarquisme: els orígens (1887-1907) en Casal Català, kie ni daŭrigis per komuna manĝo kaj plurlingva babilado.
Internaciaj esperantistoj aŭ tuluzaj scivolemuloj, kiuj ankoraŭ ne konis Esperanton, ĉiuj povis ĝui koncerton de Klarisa, juna itala harpisto, kiu ĝojigis ĉiujn kaj bonetosigis la kafejon La Topina: bona maniero diskonigi Esperanton kaj ĝian muzikan kulturon. Por eĉ pli da kulturo, ekspozicio estis instalita ĉe la lingvocentro de la universitato Jean Jaurès. Ni ankaŭ partoprenis legadojn de poezio en loka teatrejo kaj kvartala mediateko, maniero interŝanĝi inter diversaj lingvoj! Por daŭrigi pri plurlingveco, ni organizis ankaŭ informtablon en la trinkejo Cactus, dum nia kutima lingvokafejo.
Kaj por konigi Esperanton al tiuj, kiuj ankoraŭ ne konas tiun lingvon, ni organizis informtablojn en universitatoj kaj ankaŭ malkovro-metiejojn pri Esperanto.
Ĉi tiu bela semajno plenplena de renkontiĝoj kaj interŝanĝoj finiĝis per staĝo sub la suno en la bela urbo Arrout.
Ĝis la venonta jaro por SEMEO 2024!
